azamat.moy.su

Alisher Navoiy hayoti va faoliyatiga oid savol-javoblar

Azamat — Sun, 07 Feb 2016 19:05:02 GMT

1.                       XV asr jahon ma’naviyatining buyuk siymosi Alisher Navoiy qachon, qaerda tug‘ilgan va uning haqiqiy to‘liq ismi qanday edi?
Asl ismi Nizomiddin Mir Alisher. U 1441 yil 9-fevralda Hirotda tug‘ilib, shu yerda umrining asosiy qismini o‘tkazgan.
2.                       Alisher Navoiyning she’riyatdagi ilk ustozlari kimlar edi? Ushbu ustozlari haqida o‘zining qaysi asarida ma’lumot keltirgan?
Navoiyning she’riyatdagi ilk ustozi tog‘asi Mir Sayyid Kobuliy va Muhammad Ali G‘aribiylardir. Navoiy «Majolis un-nafois» asarida Kobuliy haqida: «Yaxshi tab’i bor erdi, turkchada mayli ko‘proq erdi...» desa, G‘aribiy haqida: «Xush muxovara (xushsuhbat) va xushxulq va dardmand yigit erdi. Ko‘proq sozlarni yaxshi chalar erdi. Uni va usuli xo‘b erdi. Musiqiy ilmidin ham xabardor erdi...» — deydi.
3.                       Shoirning "Hiloliya” qasidasi kimga bag‘ishlab yozilgan va Amiri Kabir» ya’ni «Ulug‘ Amir» unvoni unga qachon, kim tomonidan berildi?
Shoirning "Hiloliya” qasidasi temuriy xukmdor Xusayn Boyqaroga bag‘ishlangan.1472 yil fevralidaXusayn Boyqarogauni vazir lavozimiga tayinlaydi va «Amiri Kabir» («Ulug‘ Amir») unvonini beradi.
4.                       Navoiy davrida Hirotda talabalar uchun qanaqa nomdagi madrasa barpo etilgan?
Navoiy davrida Hirotda talabalar uchun "Ixlosiya” nomdagi madrasa barpo etilgan.
5.                       O‘smir Navoiyning qaysi g‘azaliga Mavlono Lutfiy turkiy va forsiyda bitgan o‘n-o‘n ikki ming bayt she’rini almashtirmoqchi bo‘ladi?
Navoiyning "Orazin yopqoch ko‘zimdin sochilur har lahza yosh, bo‘ylakim, paydo bo‘lur yulduz nihon o‘lg‘och quyosh” deb boshlanuvchi g‘azaliga Mavlono Lutfiy turkiy va forsiyda bitgan o‘n-o‘n ikki ming bayt she’rini almashtirmoqchi bo‘ladi.
6.                       Alisher Navoiy o‘zining buyuk "Xamsa” asarini necha yilda yozib tugalladi va mazkur asar nechta dostonni o‘z ichiga oladi? Mazkur badiiy qomus o‘z ichiga qancha ming misra she’rni qamrab olgan?
1483 yildan Alisher Navoiy o‘zining buyuk «Xamsa» asarini yozishga kirishdi va uni uch yilda tugalladi. Besh dostonni o‘z ichiga olgan bu ulkan badiiy qomus 50 ming misradan oshiq bo‘lib, Navoiyning barcha she’riy merosini deyarli yarmini tashkil qiladi.
7.                       Navoiyni "Mir Nizomiddin” deb kim ulug‘lagan va bu nom qanday ma’noni anglatadi?
Davlatshoh Samarqandiy Alisher Navoiyni "Mir Nizomiddin”, ya’ni "dinning nizomi – qonuni” deb bejiz ulug‘lagan.
8.                       Fors tilidagi birinchi "Xamsa” qachon va kim tomonidan va yaratilagan?
Fors tilidagi birinchi «Xamsa» buyuk shoir Nizomiy Ganjaviy (1141—1209) tomonidan yaratildi.
9.                       "Xazoyinu-l-maoniy” kulliyotining yaratilish tarixi haqida nimalarni bilasiz? "Xazoyinu-l-maoniy”dagi she’rlarning aniq matematik tartibda joylashtirilganligidan qanday xulosaga kelish mumkin?
1492 yilda aruz ilmiga bag‘ishlangan «Mezon ul-avzon» («Vaznlar o‘lchovi») risolasi yozildi va shoir o‘z lirik ijodini qayta taqsimlab, yangi devonlar majmui «Xazoyin ul-maoniy» («Ma’nolar xazinasi»)ni yaratish ishiga astoydil kirishdi. «Chor devon» nomi bilan shuhrat qozongan bu buyuk majmua 45 ming misraga yaqin turli janrlardagi kichik va o‘rta hajmli she’rlarni o‘zida jamlagan bo‘lib, «g‘aroyib us-sig‘ar» («Bolalik ajoyibotlari»), «Navodir ush-shabob» («Yigitlik davri nodirliklari»), «Badoe’ul-vasat» («O‘rta yosh kashfiyotlari»), «Favoyid ul-kibor» («Keksalikdagi foydali mulohazalar») nomlari bilan ataladi. Bu to‘rt jildda 16 janrga oid 3000 dan ortiq she’r bo‘lib, ularda 2600 g‘azal, 210 qit’a, 133 ruboiy, 86 fard, 52 muammo va boshqalar mavjud. «Xazoyin ul-maoniy»ga oldingi ikki alohida devondagi she’rlarning deyarli barchasi kirgan bo‘lib, keyin yaratilgan 1400 ga yaqin yangi asarlar qo‘shilgan.
10.                   Navoiy 1498, 1499 va 1500 yillarda uch buyuk asar yaratdi va mazkur asarlar shoir va mutafakkir ijodining avj nuqtalari edi. Bu asarlar qaysilar edi?
Navoiy 1498 yilda «Lison ut-tayr», 1499 yilda «Muhokamat ul-lug‘atayn», 1500 yili «Mahbub ul-qulub» asarlarini yezdi. Bu uch asar buyuk shoir va mutafakkir ijodining avj nuktalari edi.
11.                   "Xamsa” o‘z ichiga olgan besh doston qaysilar va ular qaysi yillarda yaratilgan?
Navoiy o‘z «Xamsa»sini yaratishga 1483 yilda kirishgan bo‘lsa, uning birinchi dostoni «Hayrat ul-abror» («Yaxshi kishilarning hayratlanishi»)ni o‘sha yili yozib tugatdi. 1484 yilda «Farhod va Shirin», «Layli va Majnun», «Sab’ai sayyor» («Yetti sayyor»), 1485 yilda «Saddi Iskandariy» dostonini poyoniga yetkazdi.
12.                   Shoirning mashhur "Navoiy” ostidagi taxallusi qanday ma’nolarni anglatadi? Uning ikkinchi taxallusi nima va u qanday ma’nolarni anglatadi?
"Navoiy” shoirning taxallusi bo‘lib, navo so‘zi «kuy», «baxt», «sayrash», «bahra» ma’nolarini beradi. Shoir o‘z taxallusini «bahra» so‘zidan olgan. Bu haqda uning o‘zi bunday degan:
Dahr bog‘ida bo‘lib komim ravo,
Komronlar topdi nazmimdin navo.
Shoirning ikkinchi taxallusi ham shunday ma’nolar bilan bog‘liqdir. Qur’oni karimda ta’kidlanishicha, bu dunyo — o‘tkinchi, sinov uchun yaratilgan dunyo. Shuning uchun shoir o‘ziga "Foniy” taxallusini tanlagan. Bu haqda shoirning o‘zi bunday yozgan:
Fayz yetgach ul maoniydin mengo,
Topdi belgu nazm foniydin mengo.
13.                   Navoiy haqida ma’lumot beruvchi ilk manba qachon va kim tomonidan yozib qoldirgan va u asar qanday nomlangan?
Alisher Navoiyning hayoti va ijodi haqida ilk ma’lumot beruvchi manba bu shubhasiz ulug‘ shoirning o‘z asarlaridir. Abdurazzoq Samarqandiyning "Matla’i sa’dayn va majmai bahrayn” ("Ikki baxtli sayyoralarning kelib chiqishi va daryolarning qo‘shilishi”) asari shoir haqida ma’lumot beruvchi ilk manbadir. Bu asar 1467-1470 yillar oralig‘ida yaratilgan.
14.                   Alisher Navoiy nomi zikr etilgan ilk tazkira kim tomonidan yaratilagan va u qanday nomlangan?
Davlatshoh Samarqandiyning "Tazkiratu-sh-shuaro” ("Shoirlar tazkirasi”) asari Alisher Navoiy nomi zikr etilgan ilk tazkiradir.
15.                   Navoiy Qur’oni karim ta’sirida qaysi asarini yozdi va unda kimlar haqida ma’lumotlar berilgan?

Navoiy Qur’oni karim ta’sirida «Tarixi anbiyo va hukamo» asarini yozgan. Bu asar ikki qismdan iborat bo‘lib, birinchi qismida Odam atodan tortib, Nuh, Iso, Ya’qub, Sulaymon, Yusuf, Dovud va boshqa payg‘ambarlar haqida ma’lumotlar beriladi. Har bir qissa oxirida ruboiy berilib, xotima yasalgan.

Fikr.uz sayti asosida Fayl.zn.uz saytida tayyorlandi

“BUYUK BOBOLARIMIZNI QANCHALIK BILASIZ?”

Azamat — Sun, 07 Feb 2016 16:15:20 GMT

“BUYUK BOBOLARIMIZNI QANCHALIK BILASIZ?”

Tadbir rejasi:

Boshlovchilarning chiqishi
Hikmatlardan namunalar
Sahna ko’rinishi- “Lutfiy va Navoiy”
Bobur ruboiylaridan namunalar
Milliy raqs
Navoiy va Bobur hayoti va ijodidagi o’xshashliklar. Ma’ruza.
“Xamsa” haqida ma’lumot
Bobur siymosi Hindiston va Kobul nigohida
Sahna ko’rinishi “Uch yomonning ta’rifi”
Milliy raqs

1-boshlovchi: Buyuk mutafakkir, g’azal mulkining sultoni-Mir Alisher Navoiy hamda shoh va shoir Zahiriddin Muhamad Bobur tavalludi tantanasiga yig’ilgan aziz o’quvchilar, Assalomu alaykum!

2-boshlovchi: “Davron elining jismida jon bo’lg’on” mo’tabar ustozlar Assalomu alaykum!

1-boshlovchi: Jahonki muqaddas neni ko’ribdi,

Bariga onasan, ey qodir hayot.

Asrlar qaridan boqib turibdi,

Nurli bu yuzlarga nuroniy bir zot.

2-boshlovchi: Shu buyuk o’g’lingni ardoqlab dildan

Xalqim ta’zim etsang arzigay tamom.

Uning nomi bilan birga bitilgan

Dunyo daftariga o’zbek degan nom.

1-boshlovchi: Navoiy va Bobur. Bu ikki buyuk inson o’zining ibratli hayoti, buyuk ijodiy merosi bilan o’zbek adabiyotida muhim o’rin egallaydi. Uning nomini eshitmagan, asarlari va ijodidan to’lqinlanmagan insonni topish mushkul. Zero, bu ikki buyuk daho – o’zbek xalqiga chinakam haykal qo’ygan desak mubolag’a bo’lmaydi.

2-boshlovchi: Alisher Navoiyni turkiy til asoschisi, she’riyat va g’azal mulkining sultoni, quyoshi deb e’zozlasak, Boburni shoh va shoir, bir qo’lda qilich va bir qo’lda qalamni birdek tutib o’ynata olgan inson sifatida qadrlaymiz.

1-boshlovchi: Bugungi Alisher Navoiy va Zahiriddin Muhammad Bobur tavalludiga bag’ishlangan ”Buyuk bobolarimizni qanchalik bilasiz?” tadbirini ochiq deb e’lon qilish uchun so’zni _______________________ ga beramiz.

______________________________________________________________

2-boshlovchi: Iliq fikrlaringiz uchun tashakkur, ustoz. Yurtboshimiz Navoiy haqida: ”Bu zotni avliyo desak, avliyolarning avliyosi, mutafakkir desak, mutafakkirlarning mutafakkiri, shoir desak desak shoirlarning sultoni” deb bejizga aytmagan.

1-boshlovchi: Ha, Hazrat Navoiyning hayot yo’li, yurt ravnaqi yo’lida olib borgan faoliyati barcha insonlar uchun ibrat maktabi bo’la oladi. Navbatni Navoiy hikmatlariga beramiz. Marhamat ___ sinf o’quvchilari. Sizlarni davraga taklif qilamiz.

__________________________________________________________

1-boshlovchi:

Ko’p jahongir ko’rgan bu dunyo

Barchasiga guvoh yer osti

Lekin, do’stlar, she’r ahli aro

Jahongiri kam bo’lar rosti.

2-boshlovchi

Besh asrkim nazmiy saroyni,

Titratadi zanjirband bir sher.

Temur tig’i yetmagan joyni,

Qalam bilan oldi Alisher.

2-boshlovchi - Mir Alisher o’z davridanoq buyuk daholar safidan mustahkam o’rin olib, o’zbek nomini jahonga mashhur qilib, xalqimiz timsoliga aylandi. Uning ummon qadar bepayon ijodidan har kim o’z iste’dodiga yarasha bahramand bo’lmoqda. Zero, Navoiyning har bayti hikmatli bir kitob.

1-boshlovchi:

Endigi navbatni yana ___ sinf o’quvchilariga beramiz. Navoiy hayotidan bir sahna ko’rinishini namoyish etadilar. Navoiyning yoshligi va Lutfiy bilan uchrashuvi.

_________________________________________________________________

1- Boshlovchi:

Andijon bag`ridan uchib bir yulduz,

Hindiston tog`iga gavhardek qo`ndi,

Otash yuragida aylanar bir so`z,

Anda jon qoldiku,anda jon qoldi.

2- Boshlovchi:

Dunyo charxpalagi tinmay aylanar,

Talato`p zamonlar o`taveradi.

Asrlar qa'ridan bir so`z ingranar,

Anda jon qoldiku, anda jon qoldi.

2- Boshlovchi:

Navbat __ sinf o’quvchilariga. Ular Boburning dard va hasratlari jo bo’lgan ruboiylaridan namunalar aytadilar.

Milliy raqs

1-boshlovchi: Tog’lar bag’rida yashayotgan odamlar o’sha tog’larning ne chog’lik ulug’vorligini his eta bilmaydilar. Ular tog’lardan uzoqlashgach, tog’lar butun salobati, viqori, buyukligi bilan ravshan ko’rina boshlaydi.

2-boshlovchi: Navoiy va Bobur ijodi ham ana shunday tog’larga, cho’qqilarga o’xshaydi.. Ular yashagan davr bilan bizning davrimizni besh yarim asrdan ortiq vaqt ajratib turibdi. Davr o’tgan sari bu ikki buyuk ijodkor ijodi ne chog’lik buyuk ekani toboro yorqinroq ko’rinmoqda.

1-boshlovchi: Navbatni ”NAVOIY VA BOBUR HAYOTI VA IJODIDAGI O’XSHASHLIKLAR” mavzusidagi ma’ruzaga beramiz. Ma’ruzani ____________ ___________________ _______________________________o’qiydi.

_____________________________________________________

1-boshlovchi:-Biz shunday ulug’ va mutafakkir shoir bobolarimiz borligidan faxr hissini tuyamiz, iftixor qilamiz. Bugungi adabiy kechamiz ham Navoiy va Bobur kabi she’riyat daholariga bo’lgan ehtiromimizning bir ko’rinishidir.

2-boshlovchi:-Hazrati Mir Alisher butun kuchini, aql-idrokini xalqqa, Vatanga xizmat qilishga, ilm-fan, adabiyot va san’atning rivojiga bag’ishlaydi. Uning o’lmas asarlari dunyo xalqlariga ma’naviy ozuqa bo’lib kelmoqda. Alisher Navoiy yonimizda bo’lmasada, qalbimizda abadiy yashaydi. O’zbek xalqi ulug’ mutafakkir, g’azal mulkining sultoni Mir Alisher Navoiy bilan g’ururlanadi, jon dildan sevadi va yuksak darajada qadrlaydi.

1-boshlovchi:-Davraga ____ sinf o’quvchilarini chorlaymiz. Ular Navoiyning shoh asari - ”Xamsa” haqida ma’lumot beradilar.

1- Boshlovchi:

Bobur Hindistonda shoh bo`lsada, bir umr Vatanim, uning tuprog’ini bag`rikeng odamlarini sog`inib yashadi.

2- Boshlovchi:

U o`zga yurt toji taxtidan Vataning bir siqim tuprog`ini afzal deb bildi. Shoir g`azallarida, ruboiylarida armonga aylangan Vatan sog`inchini his etamiz.

1-boshlovchi: Navbat _____ sinfning ikki nafar o’quvchisiga. Bobur siymosi Hindiston va Kobul nigohida.

_______________________________________________________

1-boshlovchi:-Birin- ketin o’tib borar asrlarning karvonlari

Oh, ne chog’lik xatarlidir uning oshar dovonlari,

Inson zoti murodiga azal-abad yetar edi,

Ushalsa gar umidvor zot Navoiyning armonlari.

2-boshlovchi:-Fursat keldi do’stu g’anim kimligini bilay bu kun,

Jami bashar farzandiga saodatlar tilay bu kun,

Ko’kka boqib sahar chog’i iltijolar qilay bu kun

Nurga to’lsin aziz bobom Navoiyning makonlari.

1-boshlovchi: Navbat ______ sinf o’quvchilariga. Ular Navoiyning naqadar dono shaxs egasi ekanligini ko’rsatuvchu ”Uch yomonning ta’rifi” deb nomlangan sahna ko’rinishini ijro etadilar.

____ _____ _____ _____ _____ _____

2-boshlovchi: Sahna ko’rinishi. Uch yomonning ta’rifi.

Sulton Husayin bir kuni o’z vazirlarining aql farosatini donishmandligini sinab ko’rish uchun ularni huzuriga chaqiribdi:

Vazirlar: Shohim, yo’qlagan ekansiz.

Podshoh:- Menga uch yomon odam topib kelinglar, topganinggizga yuz tillo mukofot, topa olmaganingizga 70 darra, sizlarga uch kun muhlat.

2-boshlovchi: Topshiriqni bajarish uchun berilgan muddat tugasa ham vazirlar topshiriqni bajara olmabdilar.

Vazirlar: Bir qoshiq qonimizdan keching, shohim. Biz siz aytgan uch yomon odamni topa olmadik.

Podshoh: Shu oddiy topshirig’imni ham bajara olmadingizmi? Endi sizlarni jazolashimga to’g’ri keladi.

Mulozim: Shohim, huzuringizga do’stingiz Alisher kirmoq istaydilar.

Podshoh: Kirsin!

Mulozim: Bosh ustiga, olampanoh.

Alisher Navoiy:- (Jallod,qassob va sayyodni boshlab podsho huzuriga kelibdi).

- Shohim, uch yomon odamni topishni buyurgan ekansiz. Mana ular: Jallod,qassob va sayyod.

Podshoh:- Mana do’stim Alisher sizga yuz tillo donoligingizga tassanno.

(Vazirlariga qarab) Endi mana shu uch yomonga ta’rif berishingizni so’raymen.

(Ular boshini quyi solib o’tiraveribdilar)

Shunda:

Alisher:-Jallodga faqat farmon bo’lsa bas, haqmi nohaqmi baribir to’g’ri kelgan odamni qilichdan o’tkazaveradi.Qassob hayvonlarning eng yaxshisini so’yadi.Sayyod jonivorlarni ovlaydi,chiroyli qushlarni tutib qafasda saqlaydi.Ularni hayot go’zalliklaridan mahrum qiladi.

Sulton Husayin:- Do’stim Alisher, aqlu farosatingizga, donolingizga yana bir marotaba qoyil qoldim.

___ ____

2-boshlovchi:-Vazirlar podshoning bu savoliga ham javob bera olishmabdi

____________________________________________________________

Raqs.

2-boshlovchi:

O’lsam yasamang munda mozorimni mening,

Yuklab elting jismi figorimni mening.

O’tru chiqarib ahli diyorimni mening,

Ko’yida qo’yung tani nizorimni mening.

1-boshlovchi:

Mana, ulug’ bobomizga bag’ishlangan kechamiz ham yakuniga yetdi. Bugun oz bo’lsa ham Navoiy va Bobur bobolarimizni ruhini shod eta olgan bo’lsak o’zimizni baxtiyor hisoblaymiz. Biz ham bobomizdek o’qish, ilm olish, o’rganish, komil inson bo’lishga harakat qilamiz. Navoiy bobomizga bag’ishlab tayyorlangan bayram tadbirimiz ham nihoyasiga yetdi.

E’tiboringgiz uchun rahmat!

Mazkur ssenariy Azamat To’liyev tomonidan tuzilgan

http://fayl.zn.uz

Ushbu saytga kiring va boshqa ssenariylarni ham yuklab oling

Alisher Navoiy hayoti va faoliyatiga bag'ishlangan sahna ko'rinishlari

Azamat — Fri, 05 Feb 2016 14:40:58 GMT

Yaxshidan bog’ qoladi.

Ko’klam kunlarining birida sulton Husayn saroyda yolg’iz o’tiraverib zerikibdi.Ancha vaqtdan beri Mir Alisherni ko’rmaganligi tufayli do’sti yashaydigan mahallaga yo’l olibdi.

Borib qarasa, do’sti yeng shimarib bog’da ishlayotgan ekan.

Husayn:-Hormang, do’stim! Nega shoirlar majlisida ko’rinmay qoldingiz desam, bog’bonlikni pesh qilibsizda?

Alisher:-”Ko’klam kelsa, ko’chat ek” - degan ekan mashoihlar. Shu bog’dagi qurigan olmalarni qo’porib tashlab, o’rniga uch-to’rt tup yong’oq ekayapman.

Husayn:-Ey do’stim-ey, qarigan chog’ingizda bog’ qilishni nima keragi bor axir?

Bu yong’oqlar qachon hosilga kiradi –yu, mevasini qachon yeysiz? Undan ko’ra shu bog’da tinchgina gazal bitib o’tiravermaysizmi?

Alisher:- Do’stim,yaxshidan bo’g’ qoladi,degan naqlni eshitganmisiz? Men bu ko’chatlarni o’zim uchun emas, balki mahhalla bolakaylari uchun ekayapman.Bir kun kelib “Bu bog’Mir Alisherdan qolgan!” deyishsa, shuning o’zi har qanday ne’matdan lazzatliroqdir.

Husayn:- Bo’lmasa, shu tillolarni olib qo’ying do’stim. Ko’chat olursiz!

Alisher:- Ana ko’rdinggizmi, do’stim, ekayotgan ko’chatlarim hozirdanoq hosil bera boshladi.

BOSH VA QILICH (sahna ko’rinishi)

Muallif: Alisher Navoiy bilan Husayn Boyqaro yoshligidan juda qalin do’st bo’lganlar, maktabda ham birga o’qiganlar. Ularning domlasi g’oyat o’tkir zehnli kishi ekan.

U kishi bir kuni shogirdlarining zehnini, nimaga qiziqishlarini bilmoqchi bo’libdi. Har ikkalasiga bosh va qilich rasmini chizib beribdi-da, sharh yozib kelishni topshiribdi.

Ustoz: – Mana shu rasmlarg’a sharh yozib kelinglar.

Alisher: – So’z gavharig’a erur oncha sharaf,

Kim bo’lsa olmas anga gavhar sadaf.

To’rt sadaf gavharining durji ul,

Yetti falak axtarining burji ul.

Husayn: – Men qilichga hamdu sanolar aytamen, jangu jadallar haqida madhiya kuylaymen.

Ustoz: – Sharhlarni tinglabdi-da, Osmonga qarab, charaqlagan quyoshni Alisherga, qora bulutni esa Husayn Mirzoga ko’rsatib, Alisherga: “Ofarin!”-dedi.

Husayn: -Ustod, meni taqdirlashni unutdingiz chog’i.

Ustoz: Shahzodaga qarab :

- Sizga vodarig’ mukofati yozilgan ekan. Bosh aql ramzi bo’lib, insonlarga hizmat qiladi. Qilich esa aqlga qarshi turib, boshga “vodarig’” kulfatini soladi.

DONO “SAVDOGAR” (sahna ko’rinishi)

Muallif: Navoiy otasi vafotidan keyin Samarqandga borib madrasada o’qibdi. Ko’p qiyinchiliklar ko’rib, o’qishni tamomlab, o’z shahriga qaytibdi. Ot-ulovsiz , piyoda yurib, bir joyda mo’ysafid chol bilan uchrashib qolibdi.

Alisher Navoiy o’zini ko’tarib katta qilgan, otasining cho’ponini tanibdi.

Cho’pon: -Tushimmi, o’ngimmi? Deb. Darrov belbog’ini yozib nonu sut bilan mehmon qilibdi.

ALisher: – Bu qo’ylar kimniki?

Cho’pon: – Bolam, bu qo’ylarning hammasi sizniki, u yoqdaligingizda otangizdan qolgan mollar har kimning qo’lida qolib edi. Otangiz hayot vaqtida 200 qo’yni sizga atab menga topshirgan edi. Bu qo’ylar hozir bolalab 700dan oshdi. Otangizni vasiyatini oz o’rniga qo’yganim uchun xursandman, bu qo’ylarni endi sizga topshirdim.

Alisher: – Ota, siz ham bola-chaqali odamsiz, mana bu 200 ta qo’yni xizmat haqingiz uchun oling!

Qolgan qo’ylarni bozorga haydabdi, qo’ylar semiz bo’lgani uchun atrofini xaridorlar o’rab olibdilar.

Odamlar: -Qo’yingiz necha pul?

Alisher: – Men qo’yimni nasiyaga sotaman. Shu shart bilanki, pulini podsho o’lgan kuni berasizlar. Shartimga ko’ngan kishi bittadan yetaklab ketaversin!

Podshoning saroyi.

Ayg’oqchi: -Ey podshohi olam, bugun bozorga bir qalandarsifat yigit kelib 500 qo’yini xalqqa nasiyaga tarqatib yubordi. Pulini podsho o’lgan kuni berasizlar, deb sizga o’lim tiladi.

Podsho gazablanib: – Boringlar, o’sha qalandarni mening huzurimga hozir qilinglar.

Qo’lini orqasiga bog’lab, Alisherni podshoning huzuriga keltiribdilar. Podsho qarasa, yoshligidagi do’sti Alisher Navoiy ekan.

Podsho: – Nima uchun shuncha qo’yni xalqqa berib yubordingiz. Mening o’limim sizga nega kerak bo’lib qoldi,?

Alisher: – Ey do’stim, men chakki ish qilganim yoq. Sizning podsho bo’lganingizni eshitib, qo’ylarni talatib yubordim. Shunday ham berib yuborishim mumkin erdi. Biroq ba’zi bir odamlar tekin moldan hazar qiladilar. Shuning uchun qo’yni pulini podsho o’lgan kuni berasizlar, deb aytdim. Endi qo’ylarni olib ketgan odamlar “ Ishqilib, podshohimiz o’lmasin. Podsho o’lsa, savdogar pulini qistaydi , deb sizga umr tilab yurishadu.

Husayn: – Ofarin do’stim, bugundan e’tiboran siz vazir etib tayinlanasiz!

Qiziqarli shart va topshiriqlar

Azamat — Mon, 21 Dec 2015 02:41:16 GMT

Qiziqarli shart va topshiriqlar

Sharni shishirib yorish
Hayvonlarni harakatini qilib berish (ayiq, quyon, maymun…)
Shiribom
Qorboboga bag’ishlab she’r aytib berish
Sinf rahbari bilan raqsga tushib berish
Lezginka kuyiga raqs ijro etib berish
Psy – Oppa Gangnam styl ga o’ynab bering
2 kishi ko’zlarini bog’lab qo’yib raqsga tushirish
Iste’dodingizni ishga solib Hammani kuldiring
Qo’lni ishlatmasdan olma yeyish
Muzda velosiped haydayotgan odamni ko’rsating
Afrikada qor yog’diring
1 litr suvni ichib berish
Limon yeyish. Birinchi yeb bo’lgan g’olib
Qaynatilgan tuxumni qoshiqqa solib belgilangan masofaga 1-bo’lib yetib kelish
Ko’zni bog’lagan holda ayollar ichidan o’zini onasini topish. Qo’lini ushlagan holda.
Maktab davridagi eng qiziqarli voqeani aytib bering.
O’ziz yoqtirgan qo’shiqni jonli ijro etib bering.
Kim chiroyli raqs tushadi? 2 kishi.
Ustozingizning sizga yoqqan 5 ta xislatlarini sanab bering.
Qo’lni ishlatmasdan tarvuz yeyish. 2 kishi.
Birinchi va oxirgi pardadoshingiz kim?
Ramazon aytishuvlaridan birini aytib bering
Yetti haykal – bitta kal. O’yini. Musiqa to’xtagan vaqtda haykal bo’lib qotish kerak. Harakat qilgan chiqib ketadi.
Kim chiroyli qo’shiq aytadi? 2 kishi.
Milliy urf-odatlarimizdan biri – kelin salom 10 marta.

YaNGI YIL tadbirii ssenariysi

Azamat — Mon, 21 Dec 2015 02:31:44 GMT

“YaNGI YIL BAZMI”

1-boshlovchi: Assalomu alaykum, aziz davramiz qatnashchi- lari!

“YaNGI YIL BAZMI”

1-boshlovchi: Assalomu alaykum, aziz davramiz qatnashchi- lari!

2-boshlovchi: Assalomu alaykum, qadrli mehmonlar, hurmatli hamkasabalar.

1-boshlovchi: Bugungi “Yangi yil bazmi” bayram karnavali- mizga xush kelibsizlar.

2-boshlovchi: Avvalambor sizlarni yaqinlashib kelayotgan yangi yil bilan chin dildan muborakbod etamiz.

1-boshlovchi: Sizlarga sog'lik, baxt, uzoq umr, ishlaringizda omad tilaymiz. Yangi yildagi ishlaringizda rivoj tilaymiz.

2-boshlovchi: Keling bayram kechamizni ajoyib bir qo'shiq bilan boshlaymiz.

1-boshlovchi: Yangi yil bayrami yil boshlanishi qadimda turli fasllarda nishonlangan. Jahonning ko'pgina mamlakat- lari Grigoryan taqvimi bo'yicha yangi yilni nishonlay boshla- ganidan so'ng XX asrda O'zbekistonga ham bu an'ana kirib kelgan. Mustaqillikdan so'ng 1992 yilning 3 iyulida qabul qilingan “O'zbekiston Respublikasida bayramlar kunlari” to'g'risidagi Qonun asosida 1 yanvar – Yangi yil bayrami deb belgilandi.

2-boshlovchi: Darhaqiqat yangi yil bayrami juda ko'p mamla- katlar qatori bizning ona diyorimizda ham ajoyib tantanalar bilan nishonlanadi. Kelinglar dasturimizning avvalida davra- mizga Qorbobo va Qorqizni taklif qilamiz. Marhamat Qorbobo va Qorqiz, davramizga xush kelibsiz.

(Qo'shiq. Qorbobo va Qorqiz raqsga tushadi).

1-boshlovchi:

Orziqib kutilgan aziz mehmondek

Tashrif buyurmoqda Yangi yilimiz.

Qalbimiz yorishib nurli osmondek,

Go'zal his-tuyg'uga to'lar dilimiz.

Yangi yil kutmoqlik ezgulik tilab,

Ulug' ahd sanalur har xonadonda.

Shodon chehralarda gul ochar xanda.

Orzular mazmuni – tinchlik, omonlik,

Gulzordek yashnasin ona-yurt bog'i.

2-boshlovchi:

Aslo tark etmasin erk, farovonlik,

Abad porlayversin Vatan bayrog'i.

Yillar o'taverar bo'g'inma-bo'g'in,

Hayot zanjirida oltin xalqadek.

Yurakka joy aylab yurt ishqi cho'g'in,

Olg'a boshlayverar bizni darg'adek.

Peshona terimiz bilan o'lkamiz

Dovrug'in olamga taratmoqdamiz.

1-boshlovchi: Bugungi bayram karnavalimizga biz bir guruh san'at ahillarni taklif etganmiz. Hozir navbatni ...qiziqchi- lar guruhiga beramiz.

(Yangi yil hazillari).

2-boshlovchi: Endi navbat maktabimizning xush ovoz xonandasi ........ beramiz.

(Qo'shiq yangraydi).

1-boshlovchi: Barchamiz yaxshi bilamizki Yangi yil bayram- lari hech qachon Qorbobo va Qorqizsiz o'tmagan. Hozir tabrik uchun so'zni qorbobodan eshitamiz.

(Qorboboning tabrigi)

Rahmat qorbobo.

Rahmat. Marhamat, barchangizni raqsga taklif etamiz.

(Qo'shiq yangraydi).

1-boshlovchi:

Yana elimizda muqaddas ayyom,

Kutyapmiz Yangi yil tongini xursand.

Muborak bo'lg'usi shu qutlug' bayram –

Qutlug' tilagimiz dillarga payvand.

Kirib kelayotgan Yangi yilimiz muchal taqvimi bo'yicha .....yili ekan. Bu yil aytishlaricha to'kin-sochin, serhosil va osudalik yili bo'lar ekan. Sizlarni Yangi yil bilan yana bir bor tabriklaymiz.

2-boshlovchi: Bayramona kayfiyat sizlarni yil davomida tark etmasin, chehrangizdan tabassum, dasturxoningizdan qut- baraka arimasin. Bayram dasturimiz nihoyasida sizlarni zalda tashkil qilingan Yangi yil mavzusidagi rasmlar ko'rgazmasiga taklif etamiz, marhamat.

1-boshlovchi: Xayr, salomat bo'linglar.

Kel, yana shod ko'nglimizni ayla shodon, Yangi yil,

Senda ijrosin kutar ko'p orzu-armon, Yangi yil.

Baxtimiz Qomusi. 8-dekabr - O'zbekiston Respublikasi Konstitutsiyasi kuniga bag'ishlangan tadbir ssenariysi

Azamat — Sun, 29 Nov 2015 12:22:32 GMT

Baxtimiz Qomusi

Sinf xonasi bayramona bezatilgan:devoriy gazeta,bolalar chizgan

rasmlar,sharlar.Yoqimli kuy yangrab turadi.

-Kulib issiq yuzimiz,

Porlab turar ko’zimiz.

Assalomu alaykum

Eng birinchi so’zimiz.

Hamma:Mehribon onalarga,

Jonkuyar otalarga.

Qadrdan ustozlarga

Assalomu alaykum.

1-o’quvchi:Assalomu alaykum, bayramimizning aziz mehmonlari! “Baxtimiz Qomusi” deb atalgan

tadbirimizga xush kelibsiz!

Davlat madhiyasi yangraydi.

2-o’quvchi:Har bir mamlakatda shunday bir muhim kitob borki,bu kitobni Konstitutsiya deb ataydilar. Konstitutsiyada butun mamlakatga ham,

alohida insonlarga ham tegishli bo’lgan muhim

ma’lumotlar bor.Bizning O’zbekistonimizning ham

shunday kitobi bo’lib , bu kitob O’zbekiston Res-

publikasining Konstitutsiyasi deb ataladi.

3-o’quvchi:1991-yil 31-avgust kuni ona O’zbekis-

tonimiz ozod, mustaqil Respublika deb e’lon qilin-

di. Davlatimiz o’z Konstitutsiyasiga, yeriga, chegarasiga,davlat tiliga,milliy valutasi so’mga,armiyasiga ega bo’ldi.

4-o’quvchi: 1992 - yil 8-dekabr kuni O’zbekiston Respublikasining Konstitutsiyasi qabul qilindi. Kons-

titutsiyamiz olti bo’lim, yigirma olti bob,128-mod-

dadan iborat. Bu kun bayram sifatida nishonlana-

di, hamma dam oladi.

Sinf qizlari ijrosida raqs.

5-o’quvchi:Har bir kishining tug’ilib o’sgan joyi

unung aziz va mo’tabar Vatani hisoblanadi.Biz

O’zbekiston nomi bilan dunyoga mashhur bo’lgan

go’zal Vatanda yashayapmiz.

6-o’quvchi:Vatan mustaqilligini mustahkamlash-

da har bir shaxs o’z hissasini qo’shishni oliy bur-

chi deb hisoblaydi.Bu ishda o’quvchilar ham o’z

bilimi , maktab ishlarida qatnashishi,yaxshi hulqi

va odobi bilan hissasini qo’shadi.

7-o’quvchi: Konstitutsiyada shaxs va fuqarolar-

ning barcha huquq, erkinlik va burchlari belgilab

berilgan.Endi konstitutsiyamizning ayrim modda-

lari bilan yaqindan tanishib chiqamiz.

8-o’quvchi:1-modda.O’zbekiston-suveren demo-

ktatik respublika.Davlatning “O’zbekiston Res-

publikasi”va “O’zbekiston” degan nomlari bir

ma’noni anglatadi.

O’zbekiston- ozod ,hur Vatan!

Quchoqlari to’la nur Vatan!

Istiqloling abadiy bo’lsin,

Dunyolar turguncha tur, Vatan!

-3-

Tuprog’ingda jannat nafasi,

Sen bobomning orzu-havasi

Iftixorim yuksak: Vatatim-

O’zbekiston Respublikasi!

9-o’quvchi:Oilamizda barchamiz o’zbek tilida

gaplashamiz. Bu tilda gaplashishni tug’ilganimiz-

dan boshlab asta-sekin o’rganamiz.Bu tilni biz,

eng avvalo ,onamizdan eshitganimiz uchun uni

Ona tili deymiz.

10-o’quvchi: 4-modda.O’zbekiston Respublikasi-

ning davlat tili o’zbek tilidir.

Shu tilda Temur bobo

Lashkarga buyruq bergan.

Navoiy tuzgan navo,

Bobur gavharlar tergan.

“Til-xalqning shavkat-shoni”,-

Bu bobolar kalomi

Ona tilim unvoni-

Davlat tili maqomi.

11-o’quvchi:Davlat tili degani har bir davlatda

umumiy rasmiy til borligini bildiradi.O’zbekiston-

da yashovchi boshqa millat bolalari bog’cha,

maktabda o’zbek tilini o’rganadilar.

Sahna ko’rinishi.

12-o’quvchi: 5-modda.O’zbekiston Respublikasi

qonun bilan tasdiqlangan o’z davlat ramzlari-

bayrog’i, gerbi va madhiyasiga ega.

Bobom uqtirgan takror

Istiqlol bu –baxt , deya.

Ozod Vatan ramzi bor:

Bayroq , gerb va madhiya.

Bugun dadam berar dars

Asramog’ing shart deya,

Ramzlar ham muqaddas:

Bayroq, gerb va madhiya.

13-o’quvchi: 6-modda. O’zbekiston Respublikasi-

ning poytaxti- Toshkent shahri.

Poytaxtimsan, Toshkentim,

Bosh shahrimsan, bosh kentim!

Ikki mingdan oshsa ham

Navqiron va yosh kentim!

Tarixlarda Shosh kentim,

Saxiy, serquyosh kentim.

Tengi yo’q, timsoli yo’q,

Toshkentimsan, Toshkentim!

“ Vatanjonim- vatamim” qo’shig’i

-5-

14-o’quvchi: 29-modda.Har kim fikrlash, so’z va e’tiqod erkinligi huquqiga ega.

Fikrlash, so’z, e’tiqod

Erkinligi bor bizda.

Tafakkur , erkin ijod

Jo’sh urar qonimizda.

“Avval o’yla”, deganlar

Fikrlaymiz o’ylaymiz.

So’zga navbat kelganda

Odob bilan so’zlaymiz.

15-o’quvchi: Ota-onamiz bizni sog’lom bo’lishi-

mizni istaydilar.Biz aqlli, chaqqon, kuchli bo’lishi-

miz uchun albatta sog’lom bo’lishimiz zarur. Bu-

ning uchun to’g’ri ovqatlanish, shaxsiy gigiyena

qoidalariga amal qilish, o’z vaqtida dars qilib, o’z

vaqtida dam olishimiz kerak.

16-o’quvchi: 40-modda. Har bir inson malakali

Tibbiy xizmatdan foydalanish huquqiga ega.

Betob bo’lib , botib g’amga,

Yotib qolsk nogahon.

Shifokorlar tez yordamga

Yetib kelar shu zamon.

Malakali tibbiy xizmat

Ko’rsatadi shifokor

Elga xizmat – oily himmat

-6-

Degan ko’hna naql bor.

17-o’quvchi:Maktab bu- qutlug’ dargoh,ta’lim -

tarbiya maskani. Davlatimiz tomonidan yosh av-

lodning bilim olishi uchun maktablarda barcha

sharoitlar yaratilgan. Faqat endi biz mehnat qili-

shimiz,darslarni yaxshi o’zlashtirishimiz kerak.

18-o’quvchi:41-modda.Har kim bilim olish

huquqiga ega.Bepul umumiy ta’lim olish davlat

tomonidan kafolatlanadi.

Ona maktab quchog’ida

Bepul ta’lim olamiz.

Yurtboshimiz ardog’da

Komil inson bo’lamiz.

Intilamiz maqsad sari

Hali dovrug’ solamiz.

Istiqlolning farzandlari-

Bizlar baxtli bolamiz.

“ Maktabim ” qo’shig’ ijro etiladi.

19-o’quvchi: 47-modda. Barcha fuqarolar Kons-

titutsiyada belgilab qo’yilgan burchlarni bajara-

dilar.

Huquqimiz bilamiz,

Burchimiz ham yodda bor.

Bosh Qomusda “Burchingni

bajar”, degan modda bor.

Ota-onaga hurmat,

Qonunlarga itoat,

Ona yurtga sadoqat,

Hammamizga burch odat.

20-o’quvchi: Vatan mustaqilligini mustahkam-

lashda har bir shaxs o’z hissasini qo’shishni oily

burch deb hisoblaydi.Bu ishga o’quvchilar ham

o’z bilimi, yaxshi xulqi, odobi bilan hissasini

qo’shadi.

1-o’quvchi:Respublikamiz Konstitutsiyasining

52-moddasida :Vatanni himoya qilish har bir fuqaroning burchidir, deb belgilab qo’yilgan.Vatanni

himoya qilish bu o’z onasini, oilasini, uyini,

xalqini himoya qilish demakdir.

Tabarruk ona tuproq

Bag’ishlaydi kuch bizga.

Shu Vatanni asramoq-

Eng muqaddas burch bizga.

Ulg’ayib eng oldingi

Saflardan joy olamiz.

Mardona qasamyodga

Mangu sodiq qolamiz.

Sinf o’g’il bolalari ijrosida raqs.

2-o’quvchi: Bizni o’rab turgan olam-borliq juda

ham ajoyib, sirli tuzilgan. Barchamiz tabiat qo’y-

nida yashaymiz. Chunki bizni o’rab turgan barcha

narsalar tabiatniki. Ona tabiatni ko’z qorachig’-

day asrashimiz lozim.

3-o’quvchi: 50-modda. Fuqarolar atrof tabiiy

muhitga ehtiyotkorona munosabatda bo’lishga

majburdirlar.

Bugun ekkan qalamcham

Katta terak bo’ladi.

Faqat uni avaylab

Asrash kerak bo’ladi.

Tog’ go’zal, o’tloq go’zal

Sevamiz gul atrini.

Esda tutaylik, do’stlar,

Tabiatning qadrini.

4-o’quvchi:Oila ota-onadan boshlanadi.Ota-

onalarimiz bizga bor mehrlarini berib, g’amxo’r-

lik qilmoqdalar.Biz hali voyaga yetmaganmiz,

lekin ota-onaning oldida har farzandning juda

ko’plab burchlari mavjud. Eng asosiysi, farzand-

lar o’z ota-onasiga mehribon bo’lishi kerak.

Ko’zlarida mehr bor, so’zlarida sehr bor,

Beshik ustida bedor-mehribon onaizor.

Oq yuvib, oq taragan, yo’limizga qaragan,

Ko’nglimizga qaragan-mehribon onaizor.

-9-

Ota- oila suyanchi, tog’dek ulug’ tayanchi,

Biz tufayli quvonchi, baxtimizdan baxtiyor.

Sog’-salomat yursinlar, kamolimiz ko’rsinlar,

Ertaga ham bo’lsinlar baxtimizdan baxtiyor.

5-o’quvchi: 66-modda.Voyaga yetgan, mehnatga

layoqatli farzandlar o’z ota-onalari haqida

g’amxo’rlik qilishga majburdirlar.

Jonajon onajon!

Mehribon otajon!

Siz hayot berdingiz,

Bol, novvot berdingiz.

Quyoshim, oyimsiz,

Bor bo’ling doim siz!

Ulg’ayib albatta,

Bir umr xizmatda

Bo’lamiz begumon,

Otajon, onajon!

“Ota-ona duosi” qo’shig’ni ijro etish.

Ustoz: Aziz bolajonlar! Biz sizning baxtli, saodatli

bo’lib voyaga yetishishingizni istaymiz.Chunki

Siz O’zbekiston deb atalmish hur o’lkada yashab

ulg’aymoqdasiz. Vatanimizning munosib farzand-

ari bo’lish uchun yaxshi o’qishingiz, ko’p narsa-

larni bilishga harakat qilishingiz kerak. Mustaqil

O’zbekistonimizning kelajagi siz barkamol avlod

qo’lida.

ZULFIYA - TONG KUYCHISI

Azamat — Sat, 04 Apr 2015 01:28:23 GMT

ZULFIYA - TONG KUYCHISI

( Adabiy-badiiy kecha ssenariysi)

1-boshlovchi: - O`zbekiston xalq shoirasi, taniqli jamoat va davlat arbobi, Zulfiya tavalludiga bu yil 100 yil to`ladi. Shu munosabat bilan Zulfiya hayoti va ijodiga bir nazar tashlab, she'rlarini o`qib, ruhini shod etish niyatida ushbu adabiy kechamizga shoiraning hayoti va ijodi haqida so`zlab berish uchun so`zni ...........ga beramiz.

2- boshlovchi-O`zbek she'riyatining otashnafas shoiralaridan biri, inson ruhiyati dunyosining betakror kuychisi Zulfiyani bilmaydigan, uning biror she'rini yod olmagan o`quvchi orangizda topilmasa kerak. Sevimli shoiramiz o`z she'rlari bilan bizlarni nafosatga, ezgulikka oshno etib, oppoq tong sari yetaklab, qalb harorati bilan isitib kelmoqda.

1-boshlovchi - Hozir Zulfiyaning bolalar uchun yozgan ajoyib she'rlaridan namunalar tinglaysiz: She'rlarni faol kitobxonlar yoddan aytib beradilar. Masalan:

Ona turgan xonaga

Qizi kirdi yugurib,

Go`yo sig`may olamga

Dedi shoshib -ko`pirib.:

-Oyijonim, tez yuring,

Ko`rsataman qiziq gul.

Hurriyatning tomini

Lola qoplabdi butkul

Kabi bolalar uchun algan she'rlarni Zulfiyaning Bulut o`yini. -T.: Cho`lpon, 1995 to`plamidan olish mumkin.

1- boshlovchi: - 1944 yil 3 iyulda Hamid Olimjon vafotidan so`ng, Zulfiyaning boshiga og`ir musibat tushdi. Ayriliq alamlari, hijron azoblari tufayli tug`yon urgan shoiraning qalbiga yana she'r hamdard bo`ldi. Vafodor yor va sadoqatli do`stning murakkab insoniy tuyg`ulari "Hijron kunlarida", "Baxtiyor sevgini kuylardi sozim", " Ne baloga etding mubtalo", "Sen qaydasan yuragim" kabi she'rlarida hazin ohangda yangragan edi.

Lekin, inson va hijron, hayot va o`lim mavzuida yozilgan bunday abadiyligi va unga muhabbat g’oyasi hukmrondir shubhasiz, eng mumtoz, vafo va sadoqat tuyg`ulari samimiy ifodalangan shoiraning she'rlaridir. Bu she'rlarda butun qalbi bilan xalq baxt-saodatini kuylagan Hamid Olimjonning yorqin obrazi yaratilgan. Shoira o`z ijodi va ovozida Hamid Olimjon barhayot ekanini komil ishonch bilan bayon etar ekan,shunday deydi:

Hijroning qalbimda, sozing qo`limda,

Hayotni kuylayman, chekinar alam.

Tunlar tushimdasan, kunduz yodimda,

Men hayot ekanman, hayotsan sen ham !

(Kuy ohista to`xtatiladi.) Shu o`rinda Zulfiya haqidagi videolavha namoyish etilib, boshlovchining ovozi fondan yangraydi:

2-boshlovchi: -Zulfiyaning ovozi uning ona qalbi, ayol nazokati, mo’tabar inson orzusini kuylagan otashin she'rlari faqat O`zbekistondagina emas, butun Osiyo va Afrika mamlakatlarida ham kitobxonlar diqqatini jalb qildi. Zulfiyaning yangroq poetik ovozi jahon kezib yuribdi. Zulfiya jamoat arbobi, xorijiy mamlakat taraqqiyparvar yozuvchilari va davlat arboblarining mehmoni sifatida juda ko`p mamlakatlarda bo`ldi. Bundan tashqari "O`g`irlamang qalamim bir kun" turkumidagi she'rlari, "Quyoshli qalam" dostoni kitobxonlarga manzur va ma'quldir. Chunki dostonda shoira atoqli adib Oybek obrazini badiiy gavdalantirgan.

1-boshlovchi:- Zulfiya urushdan keyingi yillarda tinch ijodiy mehnatda insoning matonati va qahramonligining yuksak namunalarini ko`rsatayotgan zamondoshlari, tinchlik va do`stlik haqida kitobxonlarga manzur bo`lgan ajoyib she'rlar yaratgan. Shoiraning "Dugonalar bilan suhbat", "Yuragimga yaqin kishilar" kabi she'riy to`plamlaridagi she'rlari urushdan keyingi tarixiy davrning chaqiriqlariga munosib javob bo`ldi. Zulfiya mehnat mavzusida yozgan she'rlarida zamondoshlarining yuragiga yaqin, qalbiga tutash bo’lgan dugonalarining, qahramon xotin-qizlarning muvaffaqiyatlaridan cheksiz quvonadi, ularning yangi zafarlarga chorlaydi. "Cho`pon", "Yangi yil", ”Hamma safarbar", "Lobar qizlarga" kabi she'rlari shular jumlasidandir.

Hayot kitobimni bexos varraqlab,

Men o`tgan umrimga achinmay qo`ydim.

Tabassum o`rnida kuldim charaqlab,

Suyish kerak bo`lsa, telbacha suydim...

Men o`tgan umrimga achinmay qo`ydim,

Hech kimda ko`rmayin umrimga o`xshash:

Suydim,

Erkalandim,

Ayrildim,

Kuydim,

Izzat nima bildim.

Shu-da bir yashash!..

2- boshlovchi:- Xalqimiz izzatiga sazovor bo`lgan ajoyib shoiraning xotirasi abadiydir. Chunki uning izdoshlari bisyor. Ushbu kechani o`zlari yozgan she'rlari bilan yakunlashni men shoira qizlarimizdan iltimos qilaman.(Shoira qizlarning chiqishlari kechaga yakun yasaydi).